Kujdesi ndaj dhëmbëve

14/10/2015

kujdesi ndaj dhëmbëve

Shëndeti dhe kujdesi ndaj dhëmbëve

Çelësi për dhëmbë të bardhë dhe buzëqeshje të shëndetshme gjatë jetës tuaj është praktika e higjienës së duhur orale. Edhe të rriturit mund të fitojnë dëmtim të dhëmbëve, gjithashtu edhe sëmundje të mishit të dhëmbëve, që mund të pasojnë me probleme serioze. Kujdesi ndaj dhëmbëve është shumë i rëndësishëm në mbarëvajtjen e shëndetit tonë në përgjithësi, si atij trupor edhe atij mental.

Pse është i rëndësishëm kujdesi ndaj dhëmbëve?

Gjatë jetës tonë, ekzistojnë disa gjëra që janë shumë të rëndesishme për kujdesin ndaj dhëmbëve, gjë që ndikon në shëndetin e trupit tonë në përgjithësi. Keni dëgjuar për moton: “Dhëmbë të shëndoshë, në trup të shëndoshë”. Kjo është qështja. Kujdesi ndaj dhëmbëve është esencial për të pasur shëndet të mirë dhe për të kuptuar më shumë ndiqni hapat në vazhdim që duhet ti praktikoni për shëndetin tuaj oral:

  • Pastroni dy herë në ditë dhëmbët tuaj me pastë nga fluoruri që të largoni pllakëzat bakteriale – një pjesë e ngjitur në dhëmbët tuaj që ndikon më së shumti në prishjen e dhëmbit.
  • Kufizoni përdorimin e sheqerit apo ushqimeve të ngrira, veçanarisht atyre që mbesin të ngjitura në dhëmbët tuaj. Sa më shpesh që merrni këto ushëime në mes ushqimeve kryesore, shanset janë më të mëdha që t’u jepni acide bakterieve që më pas e sulmojnë emalimin e dhëmbit tuaj.
  • Vizitoni dentistin tuaj rregullisht për pastrime dhe kontrolla profesionale

 

Tek kujdesi ndaj dhëmbëve, për çfarë probleme dentale duhet të jeni të vëmendshëm?

Edhe nëse i pastroni dhëmbët rregullisht, mund të ballafaqoheni me probleme të ndryshme të shëndetit oral. Fatmirësisht, ne mund të ju ndihmojmë që ti kuptoni sa më parë dhe në mënyrë të suksesshme këto probleme:

  • Sëmundja e mishit fillon si malcim nullesh (gingivitis), e cila në këtë fazë të hershme është ende e riparueshme. Simptomat e gingivitis-it përfshijnë skuqje, ënjtje apo mishra të ndjeshëm që tentojnë të gjakosin kur i pastroni me brushë. Nëse I vëreni ndonjërën nga këto simptoma, vizitoni dentistin tuaj para se të zhvillohet ndonjë problem më serioz. Fazat e avansuara të sëmundjes së mishit të dhëmbëve mund të shkaktojnë edhe humbjen e tërësishme të dhëmbit.
  • Dëmtimet e dhëmbëve përreth mbushjeve (që ndryshe quhen, prishje të ripërsëritura) dhe prishjet në sipërfaqen e rrënjës së dhëmbit ndodhin më shumë kur fillojmë të plakemi. Kështuqë, është shumë e rëndësishme të pastrojmë dhëmbët me pastë nga fluoruri dhe të vizitojmë dentistin rregullisht.
  • Ndjeshmëria mund të jetë një problem tjetër me kalimin e viteve. Mishrat tuaj natyrshëm fillojnë të tërhiqen me kohë, duke ekspozuar pjesë të dhëmbit që nuk janë të mbrojtura me emalim. Këto pjesë janë pre e dhimbjeve për shkak të ushqimeve dhe pijeve të ngrohta apo të ftohta. Nëse përjetoni ndjeshmëri tek dhëmbët, provoni një pastë dhëmbësh, kundër-ndjeshmërisë. Nëse problemi vazhdon, vizitoni dentistin tuaj, pasiqë ndjeshmëria mund të jetë indikatorë për ndonjë problem tjetër më serioz, siç është dëmtimi i dhëmbëve, plasaritja apo thyerja e dhëmbit.
  • Kurorat përdoren për të forcuar dhëmbët e dëmtuar. Një kurorë mbulon tërësisht dhëmbin e dëmtuar. Përveç se për forcimin e dhëmbit të dëmtuar, kurora përdoret edhe për të përmirësuar dukjen, formën dhe renditjen. Implantet dhe urat përdoren për të zëvendësuar dhëmbët e humbur. Konsultohuni me dentistin nëse ju mund të bëni implante.

 

Si mundet kujdesi ndaj dhëmbëve të ndikojë që ata të duken më të bardhë?

Gjatë pastrimeve tek dentisti, ai do të largojë ngjyrën e padëshirueshme që shkaktohet nga ushqimi dhe duhani. Në ndërkohë, përdorimi i pastës me efekte zbardhjeje gjithashtu mund të ndihmojë në largimin e këtyre sipërfaqeve me ngjyrë të errët. Nëse ngjyra ka qenë prezente për shumë vite, mbase do të keni nevojë për pastrim profesional në mënyrë që ti largoni këto shenja të jashtme.

Ngjyrat e brendshme mund të zbardhohen, lidhen apo mbulohen. Përderisa secila nga këto metoda është e sigurt dhe efektive, dentisti do të ju rekomandojë se cilin trajtim duhet të merrni varësisht nga gjendja e dhëmbëve tuaj dhe rezultati që dëshironi të arrini.

Kujdesi ndaj dhëmbëve kërkon kohë dhe shumë mund që të jetë në nivelin e duhur. Çdo herë që konsumoni ushqime dhe pije që përmbajnë sheqer apo niseshte, bakteriet në pllakëza prodhojnë acid që e sulmon dhëmbin tuaj për 20 minuta ose më shumë. Që të reduktoni dëmtimin në emalimin e dhëmbëve tuaj, kufizoni numrin e ushqimeve të thata dhe pijeve. Dhe kur hani ushqime të thata, zgjedhni ushqimet me kalori me baza ushqyese siç është djathi, jogurti, frutat apo perimet e papërpunuara.

Për këshilla më të detajuara apo konsultim, zbardhja e dhëmbëve dhe kujdesi ndaj dhëmbëve në përgjithësi, vizitoni Klinikën Gjermane të Dhëmbit. Aty ku kujdesi dhe trajtimi profesional nuk do të ju mungojë.